Асуулт, хариулт

Түгээмэл асуулт

Amarhan Voice гэж юу вэ?

Монголоор ярьсныг тань яг бичих гэсэн газарт нь текст болгон бичдэг компьютерын программ. Товчоо барьж яриад тавихад Word, хөтөч, мессенжер гэх мэт ямар ч программ дээр текст орно.

Зөвхөн Монголоор ажиллах уу?

Үгүй. Анхдагчаар Монголоор ажиллах бөгөөд программын Тохиргоо → Хэл хэсгээс Англи, Орос, Хятад, Япон, Солонгос, Казах, Герман, Франц гэх мэт 45 гаруй хэлийг сонгож болно. Сонгосон хэл дараагийн бичлэгээс эхлэн ажиллаж, PRO-гийн AI Panel ч тухайн хэлээр боловсруулна.

Үнэтэй юу?

Ярьж бичих бүх хэрэглэгчид үнэгүй. Үнэгүй багцад тодорхой хугацаанд хийх бичлэгийн тоо хязгаартай (хязгаар дуусвал app хэдэн минутын дараа сэргэхийг харуулна). PRO-д бичлэгийн тоо хязгааргүй, мөн AI-аар цэгцлэх, имэйл, мессеж болгох AI Panel нээгдэнэ: сард 9,900₮, урт хугацаагаар авбал хямдарна.

Ямар компьютер дээр ажиллах вэ?

Windows 10, 11 (64-bit) болон macOS (Apple silicon, Intel) дээр ажиллана.

Суулгахад анхааруулга гарвал яах вэ?

Amarhan Voice хараахан Microsoft болон Apple-ийн гарын үсэггүй тул анхааруулга гарах нь хэвийн. Windows-д «More info», дараа нь «Run anyway» дарна. macOS-д System Settings → Privacy & Security хэсгийн «Open Anyway» товчийг дарна. Алхам бүрийг Татах хуудасны суулгах заавраас зурагтай нь харна уу.

Интернэт хэрэгтэй юу?

Тийм. Яриа таних үйлчилгээ интернэтээр ажилладаг.

Миний дуу хоолой хаана хадгалагдах вэ?

Хаана ч хадгалагдахгүй. Дуу зөвхөн санах ойд түр байж, яриа таних үйлчилгээ рүү очоод текст болдог. Google Cloud-оор таниулах бичлэгийн дуу манай серверийн санах ойгоор дамжина. Диск, өгөгдлийн сан, лог руу хэзээ ч ордоггүй.

Түүх маань хэнд харагдах вэ?

Зөвхөн танд. Түүх таны хувийн түлхүүрээр шифрлэгдэж хадгалагддаг тул манай ажилтнууд ч уншиж чадахгүй. Тохиргооноос унтраавал cloud дахь түүх бүрмөсөн устгагдана.

PRO-гийн төлбөрийг яаж төлөх вэ?

QPay-ээр, банкны аппаараа QR уншуулж төлнө. 1, 3, 6, 12 сараар урьдчилан төлөх бөгөөд автомат сунгалт байхгүй.

Төлбөрөө буцааж авч болох уу?

Үгүй. Төлсөн төлбөр буцаагдахгүй тул эхлээд үнэгүй хувилбарыг туршиж үзнэ үү.