Нууцлалын бодлого
Шинэчилсэн огноо: 2026-11-18
Бид юу цуглуулдаг вэ
Бүртгэл: имэйл хаяг, нууц үгийн hash (нууц үгийг өөрийг нь хадгалдаггүй), нэр (заавал биш).
Google-ээр нэвтэрвэл: Google-ээс таны имэйл хаяг, нэр болон Google бүртгэлийн давтагдашгүй дугаарыг авна. Google-ийн нууц үг, зураг, харилцагчид зэрэг бусад мэдээлэл бидэнд ирэхгүй. Google-ийн өгсөн нэвтрэлтийн токеныг шалгасны дараа хадгалахгүй.
Төхөөрөмж: суулгалтын дугаар, үйлдлийн систем, app-ийн хувилбар, төхөөрөмжийн нэр.
Хэрэглээний тоо: хэдэн удаа ярьсан, ярианы үргэлжлэх хугацаа, үгийн тоо, AI хүсэлтийн тоо, Google Cloud Speech-to-Text-ээр таниулсан бичлэгийн тоо болон минут. Эдгээр нь зөвхөн тоо бөгөөд таны текст ордоггүй.
Түүх: таны ярьж бичүүлсэн текст болон AI-аар боловсруулсан хувилбарууд (анхдагчаар төхөөрөмж хооронд хадгалагдана, доорхыг үзнэ үү).
Төлбөр: QPay-ээр хийсэн төлбөрийн дүн, огноо, төлөв. Банкны картын мэдээлэл бидэнд ирдэггүй.
Дуу хоолой
Бид таны дууг хадгалдаггүй. Та товчоо дарж ярих үед л Amarhan Voice app микрофоноос сонсоно.
Ихэнх бичлэгт app дууг зөвхөн компьютерийн санах ойд барьж, яриа таних үйлчилгээ рүү шифрлэгдсэн холболтоор (HTTPS) шууд илгээж, текстийг нь хүлээн авна. Энэ үед дуу манай сервераар дамждаггүй.
Зарим бичлэгийг Google Cloud Speech-to-Text үйлчилгээгээр таниулдаг. Энэ үед дуу шифрлэгдсэн холболтоор манай сервер рүү, тэндээс Google Cloud руу дамжина. Манай сервер дууг зөвхөн санах ойд барьж дамжуулна. Энэ дуу хадгалагдахгүй бөгөөд AI загвар сургахад ашиглагдахгүй.
Аль ч тохиолдолд дуу диск, өгөгдлийн сан, лог руу хэзээ ч бичигдэхгүй бөгөөд яриа дуусмагц санах ойгоос устгагдана. Яриа таних хэсэгт тухайн үйлчилгээ үзүүлэгчийн нууцлалын нөхцөл үйлчилнэ.
Түүх хэрхэн хамгаалагддаг вэ
Таны түүх хэрэглэгч бүрийн тусдаа түлхүүрээр (AES-256-GCM) шифрлэгдэж хадгалагдана. Тэр түлхүүр нь өөрөө мастер түлхүүрээр шифрлэгдсэн бөгөөд мастер түлхүүр өгөгдлийн сангаас тусдаа, зөвхөн манай серверт хадгалагддаг. Иймээс өгөгдлийн сан дангаараа алдагдсан ч таны текст уншигдахгүй. Цаашид мастер түлхүүрийг тусгай түлхүүрийн үйлчилгээнд (AWS KMS) шилжүүлнэ.
Текстийг зөвхөн таны өөрийн нэвтрэлтээр ирсэн хүсэлтэд санах ойд тайлна. Админ, ажилтнууд, лог, алдааны тайланд таны текст харагдахгүй.
Тохиргоо → Нууцлал хэсгээс "Түүхийг төхөөрөмж хооронд хадгалах"-ыг унтраавал cloud дахь түүх тань түлхүүрийн хамт бүрмөсөн устгагдана.
AI боловсруулалт
PRO хэрэглэгч AI хэлбэр сонгоход зөвхөн сонгосон текст DeepSeek-ийн AI үйлчилгээ рүү илгээгдэнэ. DeepSeek нь Бүгд Найрамдах Хятад Ард Улсад өгөгдөл боловсруулдаг. Бид AI-д илгээсэн текстийг тусад нь хадгалдаггүй, зөвхөн тоо хэмжээг (token, зардал) бүртгэнэ.
Вэбсайтын статистик
Вэбсайтын нийтийн хуудсуудад (нүүр, үнэ, татах, тусламж, нэвтрэх г.м.) хэдэн хүн зочилж, хаанаас ирснийг мэдэхийн тулд Google Analytics ашигладаг. Google таны хөтчид cookie хадгалж, үзсэн хуудас, ирсэн суваг, төхөөрөмжийн төрөл, ойролцоо байршлыг тоолно. Зар сурталчилгааны тохиргоог унтраасан.
Хяналтын самбар, түүх, тохиргоо, төлбөр зэрэг нэвтэрсний дараах хуудсууд, мөн Amarhan Voice app-д Google Analytics ажилладаггүй. Таны текст, дуу, имэйл хаяг Google Analytics руу илгээгдэхгүй.
Татгалзах бол хөтчийнхөө cookie-г хаах эсвэл Google-ийн tools.google.com/dlpage/gaoptout өргөтгөлийг ашиглана уу.
Хэр удаан хадгалах вэ
Устгасан түүхийн бичлэгийн текст шууд арилж, 30 хоногийн дараа бичлэг бүрмөсөн устгагдана.
Хэрэглээний статистик 180 хоног хадгалагдана.
Бүртгэлээ устгавал түүх, төхөөрөмж, хэрэглээний мэдээлэл устгагдана. Төлбөрийн бүртгэл нягтлан бодох бүртгэлийн шаардлагаар хувь хүнийг илтгэх мэдээлэлгүйгээр үлдэнэ.
Таны эрх
Та бүртгэлийн хуудаснаас мэдээллээ харах, засах, түүхээ устгах, бүртгэлээ бүрмөсөн устгах боломжтой.