amarhanVoice
Татах хуудас

Windows 10 · 11

Windows-д суулгах заавар

Татахаас эхлээд анхны үгээ бичүүлэх хүртэл. Ихэнх хүн 3–5 минутад дуусгадаг. Анхааруулга гарах газар бүрийг зурагтай нь харууллаа.

  • ≈ 3–5 минут
  • Admin эрх шаардахгүй
  • Нэг удаа л хийнэ
Windows-д татахХувилбар 0.1.6 · 2026-09-28
Яагаад анхааруулга гардаг вэ? Amarhan Voice хараахан Microsoft болон Apple-ийн гарын үсэггүй (code signing). Иймээс систем «танигдаагүй app» гэж анхааруулдаг. Энэ хэвийн үзэгдэл. Зөвхөн voice.amarhan.mn сайтаас татсан файлд зөвшөөрөл өгнө үү.

Эхлэхээс өмнө

  • Windows 10 эсвэл Windows 11 (64-bit)
  • Микрофон: зөөврийн компьютерийн дотуур микрофон, чихэвч эсвэл USB микрофон
  • Интернэт холболт (яриа таних үйлчилгээ интернэтээр ажилладаг)
  • voice.amarhan.mn бүртгэл. Байхгүй бол суулгасны дараа үүсгэж болно
1

Суулгах файлаа татах

Татах хуудаснаас «Windows-д татах» товчийг дарна. AmarhanVoice_…_x64-setup.exe файл таны Downloads хавтас руу татагдана.

  1. 1Microsoft Edge «isn't commonly downloaded» гэж анхааруулбал файлын мөр дээрх «…» товчийг дарж «Keep»-ийг сонгоно.
  2. 2Edge дараа нь «Make sure you trust…» цонх харуулбал «Show more», дараа нь «Keep anyway» дарна.
  3. 3Google Chrome анхааруулбал файлын мөр дээрх «Keep» (эсвэл «Download suspicious file») товчийг дарна.
Edge дээр: файлын мөрний «…» → «Keep».

Зөвлөгөө:Энэ анхааруулга нь файл шинэ, олон хүн татаж амжаагүйгээс л гардаг. Файл вирустай гэсэн үг биш.

2

«Windows protected your PC» цонхыг давах

Татсан файлаа давхар товшиж ажиллуулахад Microsoft Defender SmartScreen-ийн цэнхэр цонх гарна. Гарын үсэггүй бүх шинэ app-д ингэж гардаг.

  1. 1Цонхон дээрх «More info» гэсэн бичиг дээр дарна.
  2. 2App-ын нэр AmarhanVoice_…_x64-setup.exe, Publisher нь «Unknown publisher» гэж гарна. Файлын нэрийг шалгаад «Run anyway» товчийг дарна.
SmartScreen-ийн цэнхэр цонх. «More info» дээр дарна.
«More info» дарсны дараа «Run anyway» товч гарна.

Анхаар:«Don't run» дарвал юу ч суухгүй. Тэгвэл файлаа дахин ажиллуулаад «More info»-г дарна уу. «Run anyway» товч огт гарахгүй бол компьютерийг тань байгууллага удирддаг байж магадгүй. IT админаасаа зөвшөөрөл аваарай.

3

Суулгах

Суулгагч нээгдэнэ. Admin эрх, нууц үг шаардахгүй. App зөвхөн таны Windows хэрэглэгч дээр суулгагдана.

  1. 1Цонхны зааврын дагуу «Next», дараа нь «Install» дарна. Суулгах байршлыг өөрчлөх шаардлагагүй.
  2. 2Хэдхэн секундын дараа «Run Amarhan Voice» сонголтыг чагттай үлдээж «Finish» дарна.
  3. 3Өмнөх хувилбар суусан бол суулгагч түүнийг шинэчилнэ. Таны тохиргоо, түүх хэвээр үлдэнэ.
4

Нэвтрэх

Amarhan Voice анх нээгдэхэд хэдхэн алхамтай танилцуулга гарна. FREE, PRO хоёуланд нэвтрэх нь заавал.

  1. 1«Эхлэх», дараа нь «Нэвтрэх» дарна. Таны үндсэн хөтөч дээр voice.amarhan.mn нээгдэнэ.
  2. 2Имэйл, нууц үгээрээ эсвэл Google-ээр нэвтэрнэ. Бүртгэлгүй бол тэндээ бүртгүүлнэ.
  3. 3«Amarhan Voice app-д нэвтрэх» хуудсан дээр имэйлээ шалгаад «Нэвтрэх» дарна.
  4. 4Хөтөч «Open Amarhan Voice?» гэж асуувал «Always allow…»-г чагтлаад «Open Amarhan Voice» дарна.
  5. 5App автоматаар нэвтэрсэн төлөвт шилжиж, дараагийн алхам руу орно.
Нэвтэрсний дараа хөтөч app-ыг нээх зөвшөөрөл асууна.

Зөвлөгөө:App нэвтрээгүй хэвээр байвал хөтөч дээрх «App нээгдээгүй бол энд дарна уу» холбоосыг дарна.

5

Микрофоны зөвшөөрөл

Микрофон зөвхөн товчлол дарагдсан үед асна. Анх ярихад Windows зөвшөөрөл асууж магадгүй. Тэгвэл «Yes» эсвэл «Allow» дарна.

  1. 1App «микрофоны зөвшөөрөл алга» гэвэл мэдэгдэл дээрх «Микрофоны тохиргоо нээх» товчийг дарна. Эсвэл Start → Settings → Privacy & security → Microphone руу орно.
  2. 2«Microphone access»-ийг асаана.
  3. 3«Let apps access your microphone»-ийг асаана.
  4. 4Доош гүйлгэж «Let desktop apps access your microphone»-ийг асаана. Amarhan Voice энэ бүлэгт хамаарна.
Settings → Privacy & security → Microphone. Гурвуулаа асаалттай байна.

Зөвлөгөө:Windows 10-т эдгээр нь «Allow access to the microphone on this device», «Allow apps to access your microphone», «Allow desktop apps to access your microphone» гэж нэрлэгдэнэ.

6

Туршиж үзэх

Ctrl + Alt + Space товчийг дарж байхдаа Монголоор ярьж, дуусаад товчоо тавина. Танилцуулгын талбарт текст бичигдвэл бүх зүйл бэлэн.

  1. 1Одоо Word, Gmail, Messenger гэх мэт дурын программд курсороо байрлуулаад ингэж бичнэ.
  2. 2Amarhan Voice цагийн хажуудах системийн тавиур (tray)-д ажиллана. Дүрс нь харагдахгүй бол «^» сумыг дарж, дүрсийг taskbar руу чирч байрлуулна.
  3. 3Цонхыг хаахад app унтрахгүй, tray-д үлдэнэ. Компьютер асахад өөрөө эхлэхийг Тохиргоо → Ерөнхий хэсгээс асаана.

Бэлэн боллоо

Одоо дурын программд курсороо байрлуулаад товчоо барьж ярихад л болно. PRO бол AI Panel-аар текстээ 8 хэлбэрт эмхэлнэ.

Асуудал гарвал

Антивирус файлыг устгасан эсвэл хорио цээрт оруулсан

Windows Security → Virus & threat protection → Protection history хэсгээс Amarhan Voice-ийн бичлэгийг нээж «Actions» → «Restore» (эсвэл «Allow on device») дарна. Kaspersky, ESET зэрэг өөр антивирус бол тохиргооных нь үл хамаарах жагсаалт (exclusions)-д Amarhan Voice-г нэмнэ. Зөвхөн voice.amarhan.mn-ээс татсан файлд ингэнэ үү.

Товчлол дарахад юу ч болохгүй

Amarhan Voice tray-д ажиллаж байгаа эсэхийг шалгана. Ctrl + Alt + Space-ийг өөр программ ашиглаж байж магадгүй. Amarhan Voice → Тохиргоо → Товчлол хэсгээс өөр хослол сонгоно уу.

Зарим программд текст орохгүй

Admin эрхээр ажиллаж буй программ руу Windows бусад app-ыг бичүүлдэггүй. Текст clipboard-д хуулагдсан тул Ctrl+V дарж буулгана. Terminal зэрэг буулгах боломжгүй талбарт Тохиргоо → Текст оруулах → «Үсэг бүрээр бичих»-ийг сонгоно.

«Текст танигдсангүй» гэж гарна

Settings → System → Sound → Input хэсгээс зөв микрофон сонгогдсон эсэхийг шалгана. Микрофондоо ойр, тод ярина. Интернэт холболтоо шалгана.

Шинэ хувилбарыг яаж суулгах вэ?

Шинэ хувилбар гарахад app өөрөө мэдэгдэнэ. «Одоо шинэчлэх» дарахад татаж суулгаад дахин нээгдэнэ. Сайтаас дахин татах шаардлагагүй. Сайтаас гараар татаж суулгавал SmartScreen дахин асууж болно, ижил аргаар «Run anyway» дарна.

App-ыг яаж устгах вэ?

Tray дахь дүрсээс app-аа хаагаад Settings → Apps → Installed apps хэсэгт Amarhan Voice-ийн «…» → «Uninstall» дарна.

macOS-д суулгах заавар